Noyabrın 1-də Milli Məclisə keçiriləcək seçkilərlə bağlı 44 saylı Sumqayıt-Xızı seçki dairəsinin tərkibində olan 43 seçki məntəqəsində hazırlıq işləri yekunlaşıb.

Xeberle.com-un məlumatına görə, 44 saylı Sumqayıt-Xızı dairə seçki komissiyasının sədri Məzahir Süleymanov AZƏRTAC-a bildirib ki, siyahıya əsasən dairə üzrə 41672 seçici qeydə alınıb. Onlardan 426-sı ilk dəfə səs verəcək şəxslərdir. Seçicilərin sərbəst şəkildə öz seçimlərini etmələri üçün bütün məntəqələrdə lazımi şərait yaradılıb. Ehtiyac duyulan məntəqələr cari təmir edilməklə, zəruri avadanlıqlarla təchiz olunub. Ehtiyat elektrik enerjisi, rabitə xətləri çəkilib.