Fransa senatorları Suriya prezidenti Bəşər Əsədlə görüşə gedirlər.

Senatorlar Yaxın Şərqdə İŞİD-in xristianlara təhlükə yaradılması məsələlərini həll etmək üçün Suriyaya getmək niyyətindədirlər. Onlar bu problemi Suriya prezidenti Bəşər Əsədlə görüş ərəfəsində müzakirə etmək istəyirlər.

Heyətə "Respublikaçılar" müxalifət partiyasından olan deputat Frederik Puason rəhbərlik edəcək. Onunla birlikdə isə Dəməşqə həmin partiyadan olan deputat Ksave Breton və azad partiya nümayəndəsi Veronik Bes də gedəcək.

Fransa mətbuatının xəbərinə əsasən, Fransa senatorları Suriya paytaxtına oktyabrın bu gün gedəcək və gün ərzində Bəşər Əsədlə görüşüb, məsələləri həll etməyə çalışacaqlar.


Frederik Puason - müxalifət partiyasından olan deputat 


Əslində, bu fransızların Suriyaya ilk səfəri deyil. Belə ki, bu ilin iyulun 12-də də Frederik Puasonun rəhbərliyi ilə Bəşər Əsədlə görüş keçirilib. Görüşdə prezident qərb dövlətləri ilə dəstəklənən quldur dəstələri ilə Suriya xalqının mübarizəsi haqqında danışıb. O, Avropadavə ölkədə terrorizm hadisələrinin təhlükəli nəticələri barədə deputatı xəbərdar edib.


Bəşər Əsəd və Frederik Puason görüşü (iyul ayı)


Cari ilin mart ayında da fransız parlament üzvlərinin nümayəndə heyəti Suriyaya səfər edib. Lakin, bu görüş fransız cəmiyyətində ciddi mübahisələrə səbəb olub.

Mart ayındakı səfərinin əsas səbəbi Suriyadakı vəziyyətlə tanış olma və lazım olarsa, birgə əməkdaşlıq etməkdən ibarət olub. Bu, Suriya dağılandan sonra fransızların bu ölkəyə ilk səfəri olub. Həm də iki ölkə arasında diplomatik əlaqələr 2012-ci ilin may ayında sona çatıb. Odur ki, mart ayında Suriyaya səfər fransız deputatlarının şəxsi təşəbbüsü ilə həyata keçirilib. 

Nümayəndə heyətinə "Respublikaçılar" partiyasından üç üzv daxil idi. Onlara Jerar Bapt başçılıq edirdi. Həmin səfər çərçivəsində onlar Suriya prezidenti və Xarici İşlər naziri Valid Müəllim ilə görüşüblər. Görüş çərçivəsində ikitərəfli münasibətlərin yenidən bərpası və ərazidə olan xristianların müdafiəsi məsələləri müzakirə olunub.


Bəşər Əsədin Fransa denatları ilə görüş (mart ayı)


Ümumiyyətlə, 2011-ci ildə Suriyada başlamış silahlı qarşıdurmalardan sonra Bəşər Əsəd indi-indi xarici ölkələrin nümayəndəliyini qəbul edir və lazım gəldikdə Dəməşki tərk edə bilir. Çünki əvvəllər, adətən, bu işlərlə yalnız Xarici İşlər Nazirliyi məşğul olurdu. Prezidentin 5 il ərzində ilk dəfə ölkəsindən kənara çıxması bu ayın 21-də Moskvaya səfəri zamanı olub. Prezidentin bu qədər özünəinamı Rusiyanın dəstəyindən sonra artıb.


Bəşər Əsəd və Vladimir Putin görüşü


Rusiya prezidenti Vladimir Putinin dəvəti ilə Moskvaya gələn Əsəd burada ölkədaxilində gedən hərbi münaqişələrə müdaxilə etdiyi üçün, eyni zamanda, Suriyada terrorizm təhlükəsinin yayılmasının qarşısının aldığı üçün ona öz minnətdarlığını bildirib.

Öz cavabında isə Putin bildirib ki, bütün siyasi güclərin iştirakı ilə Suriyadan, hətta, böhranı da aradan qaldıra bilərlər. Bundan başqa, prezident əlavə edib ki, Moskva Yaxın Şərqdə əsas qüvvədir və Suriya münaqişəsinin sona çatması Rusiyanın iştirakı olmadan həll oluna bilməz.

Düzdür, bu səfər ABŞ, Türkiyə, eləcə də, Putinlə Əsədin iş birliyini region dövlətləri tərəfindən müsbət qarşılanmır. Dünyanın bir çox dövlətləri Rusiyanın Suriyada onların nəzarətində olan qruplaşmalara zərbə endirdiyini iddia edirlər. Amma Rusiya rəsmiləri bu məlumatları təkzib edir.

Sentyabrın 30-dan Rusiya qırıcıları Suriyada İŞİD-ə məxsus obiyektlərə hava zərbələri endirir. Suriya və Rusiya ordusunun ölkədə keçirdiyi hərbi əməliyyatlar nəticəsində İŞİD-in mövqelərindən geri çəkildiyi barədə məlumatlar yayılır.(ans press)