V Azərbaycan Milli Məclisinə seçkilərin səsverməsi başa çatıb. Artıq millət vəkili adını qazanan namizədlərin adı məlumdur. Bu seçkilərdə bir sıra yeni namizədlər də Milli Məclisə daxil ola bildilər.

 Xeberle.com femida.az-a istinadən xəbər verir ki, Yeni Azərbaycan Partiyasının 42 saylı Sumqayıt ikinci seçki dairəsindən Milli Məclisə seçkilərdə deputatlığa namizədi olan Tahir Mirkişili seçki ilə bağlı təəsüratlarını bölüşüb:

"Bir namizəd kimi seckilərin kecirilməsi prossesini, secicilərin aktivliyini yüksək dəyərləndirirəm. Şəffaflıq yüksək səviyyədə idi. Əminəm ki, seçicilərin əksəriyyəti Yeni Azərbaycan Partiyasının hədəfləri olan inkişafa, muasirliyə, sabitliyə səs verib”.

Yeni seçilmiş millət vəkili növbəti beş il ərzində parlamentdə fəaliyyət göstərəcəyi istiqamətləri də açıqlayıb:

"Seçkilərdə qələbəmiz tam rəsmiləşəndən sonra Parlamentdə iqtisadiyyat, informasiya-kommunikasiya texnologiyları, beynəlxalq munasibətlər, innovasiyalar, vətəndaşlara xidmət standartlarının artırılması istiqamətində çalışmaq planlarımız mövcuddur”.