Martın 22-də təmas xəttini keçən erməni əsgər bu gün, Beynəlxalq Qızıl Xaç Komitəsinin (BQXK) himayəsi altında keçirilən əməliyyat zamanı geri qaytarılıb.

Təhvilvermə Azərbaycanın Ağdam rayonunun Baş Qərvənd kəndi yaxınlıgıinda baş verib.

Azərbaycan tərəfinin qərarından sonra BQXK, neytral vasitəçi qismində və öz mandatına uyğun olaraq və bütün tərəflərlə əməkdaşlıq şəraitində bu qaytarılmanın həyata keçirilməsinə yardımçı olub. 

Qeyd edək ki, ilkin dindirmədə Andranik Qriqoryan 1991-ci ildə Martuni (Xocavənd) rayonunda anadan olduğunu və 22 mart 2015-ci il tarixində könüllü olaraq Azərbaycan tərəfinə keçdiyini bildirmişdi.