Ukrayna Rusiyanın bütün avia şirkətlərinə hava məkanından tranzit uçuşuna qadağa qoyub. Məlumata görə, bunu ölkənin baş naziri Arseniy Yaçenyuk hökumətin iclasında deyib.

Onun sözlərinə görə, Rusiya Ukrayna təyyarələrinin onun səmasında uçusu ilə bağlı qərarını dəyişməyib: "Biz gözləyirdik ki, Rusiya qərarını dəyişəcək və Ukrayna təyyarələrinin Rusiya üzərindən uçuşuna icazə verəcək. Lakin Rusiya həmişə kimi Ukrayna tərəfinin qanuni şərtləri ilə razılaşmadı. Buna görə də Ukrayna hökuməti belə bir qərar qəbul etməli oldu”.

"İnterfax”ın məlumata əsasən, Rusiya təyyarələri təhlükəsizlik baxımından Ukrayna üzərindən uçuşlarını artıq dayandırıb.(Lent.az)