İspan opera müğənnisi Monserrat Kabalye dələduzluq ittihamı ilə yarım il həbs alıb.

 

Barselona məhkəməsi 82 yaşlı Kabalyeni 225 min avro cərimə edib. 

Məhkəmə zamanı o, öz günahını etiraf edib. Lakin sağlamlıq vəziyyəti ilə bağlı məhkəmə zalında iştirak edə bilməyib. Bu üzdən məhkəməyə evdən videokonfrans yolu ilə qatılıb.
Barselona prokurorluğu 2014-cü ildə Kabalyenin 500 min avro vergidən yayınmasından şübhələnmişdi. O, xaricdə keçirdiyi qastrol səfərlərindən aldığı pulu Andorrada qeydiyyatda olan şirkətə ötürürmüş.
Qeyd edək ki, Kabalye dəfələrlə xəbərdarlıq edilməsinə baxmayaraq, Azərbaycanın işğal altında olan Dağlıq Qarabağ bölgəsində səfər edib. Bu səfərlərinə görə, Azərbaycan Xarici İşlər Nazirliyi müğənninin adını "qara siyahı"ya salıb.(Avropa.info )

Xəbərdən istifadə edərkən istinad etmək vacibdir.