BMT Təhlükəsizlik Şurası Şimalı Koreyaya qarşı yeni sanksiyaların tətbiq edilməsini nəzərdən keçirir.
TASS agentliyinin verdiyi məlumata görə, bunu Böyük Britaniyanın BMT-dəki daimi nümayəndəsi Metyu Raykroft bəyan edib.
"Biz sanksiyalarla bağlı digər Təhlükəsizlik Şurasına üzv olan ölkələrlə müvafiq işlər görəcəyik”, deyə M.Raykroft bildirib.
Qeyd edək ki, Koreya Xalq Demokratik Respublikası hidrogen bombasının uğurla sınaqdan keçirdiyini bəyan edib. Bir sıra dövlətlər rəsmi Pxenyanın bu addımını pisləyib, son hadisələrdən narahat olduqlarını bildiriblər. (APA)
Xəbərdən istifadə edərkən istinad etmək vacibdir.
