Çeşenistandan Suriyadakı terrorçu qruplaşmaların tərəfində döyüşməyə gedənlərin əksəriyyəti məhv edilib.Bu haqda Çeçenistan Respublikasının rəhbəri Ramzan Kadırov açıqlama verib.

Onun sözlərinə görə, hazırda Suriyada 200-ə yaxın çeçen yaraqlısı qalıb.

"İndi bizdə məlumat var ki, çeçenlərin əksəriyyəri orada ölüb. Ona görə ki, orada döyüşən ərəblər və digər millətlərdən olanlar çeçenləri ət kimi qabağa veriblər – sizin praktikanız var, təcrübəniz var, çeçenlər irəli gedin, döyüşün. Bizim 200-ə yaxın çeçenimiz qalıb Suriyada. Onlar Avropadan gediblər. 20, 30 nəfərlik quldurdəstələri var”, - Kadırov deyib.

Onun sözlərinə görə, Çeçenistandan Yaxın Şərqə döyüşməyə gedənlər azdır: "Biz hamısını nəzarətdə saxlayırıq. Kimsənin oralara getməsi nadir halda baş verir”.

Modern.az