PKK terror təşkilatı Ermənistana dəstək vermək məqsədilə 400 yaraqlını Azərbaycanın işğal altında olan Dağlıq Qarabağ bölgəsinə göndərib.

Bu barədə Türkiyənin "Yeni Şəfəq” qəzeti məlumat yayıb.

Xəbərdə bildirilir ki, cəbhə xəttində gərginliyin artdığı vaxtda PKK qruplaşması ermənilərə dəstək olmaq üçün işğal altında olan Azərbaycan torpaqlarına 400 terrorçu göndərib. PKK terrorçularının Göyçə gölünün yaxınlığında qurulan hərbi düşərgədə yerləşdirildiyi bildirilir.

Terrorçuların İraq və Suriya düşərgələrindən Ağrı dağı vasitəsilə Ermənistana keçdiyi qeyd edilir.

Məlumatlarda qeyd olunur ki, Kürdüstan Birliyinin rəhbərlərindən biri olan Bese Hozat hazırda Kandil-İrəvan arasında danışıqlar aparır. Tunceli vilayətindən olan B. Hozat PKK-ın Ermənistana hərbiçi göndərmə planını da həyata keçirir.

PKK-ının Suriya qolu olan PYD tərəfində döyüşən 150 erməni əsilli hərbçinin də Azərbaycanla döyüşmək üçün Dağlıq Qarabağ ərazisinə keçən terorristlər arasında olduğu da bildirilir.

Ağrı vilayəti üzərindən Dağlıq Qarabağ ərazisinə keçən terroristlər bölgənin üç səmtinə göndəriliblər.

Əvvəlcə Laçın, Şuşa, Kəlbəcər şəhərlərinə gedən terroristlər oradan da hazırda gərgin dəqiqələrin yaşandığı Ağdam, Cəbrayıl, Zəngilan və Füzuli cəhbələrinə göndəriliblər. Dağlıq Qarabağa göndərilən terroristlərin bomba və əməliyyatlar üzrə müxtəxəssis olduqları bildirilir.

Dağlıq Qarabağa göndərilən PKK-lı terrorçulara "ermənilərə dəstək olun” təlimatının verildiyi də türk mətbuatında çıxan yazılarda öz əksini tapıb.(AzVision.az )