Ermənistan silahlı qüvvələri atəşkəs rejimini pozmaqda davam edir. Düşmən tərəfi atəşkəs razılaşmasını pozaraq dünən axşam saatlarından Füzuli rayonunun Alxanlı kəndini intensiv atəşə tutmağa başlayıb.

Kəndin bələdiyyə sədri Balaxan Məmmədov  bildirib ki, ermənilərin açdığı atəş nəticəsində yaşayış evlərinə ciddi ziyan dəyib. 

"Dünən gecədən başlayaraq ermənilər kəndimzi atəşə tutur. Nəticədə 20-ə yaxın evə ciddi ziyan dəyib. Düşmən minaatanlardan, ağır artilleriyadan mövqeyimizi atəşə tutur. Kəndə dəyən ziyan dəqiqləşdirilir”.(AzVision.az)