Torpaqlarımızın ərazi bütövlüyü uğrunda gedən son döyüşlərdə Sumqayıt şəhəri daha bir şəhid verib!
Xeberle.com məlumat verir ki, 1993-cü il təvəllüd Axundov Əbdülməcid Nadirşah oğlu Tərtərdə gedən döyüşlərdə şəhid olub!!!
Şəhidin cənazəsi 16-cı məhəllə ev 27/28a ünvanına gətiriləcək.
Beynəlxalq Qırmızı Xaç Komitəsinin (BQXK) Azərbaycan şöbəsinin həkimləri qarşılıqlı razılaşma yolu ilə şəhidimizin cənazəsini qarşı tərəflə dəyişiblər.
Qeyd edək ki, Ə. Axundov 2015-ci ilin iyul ayında Səfərbərlik və Hərbi Xidmətə Çağırış üzrə Dövlət Xidmətinin Sumqayıt şöbəsi tərəfindən həqiqi hərbi xidmətə çağırılıb. Azərbaycan Texniki Universitetinin məzunu olan Ə.Axundovun xidməti başa vurmasına 3 ay qalıbmış.
Şəhidin cənazəsi aprelin 9-da səhər saatlarında yaşadığı evə gətiriləcək. Vida mərasimindən sonra şəhidimiz Sumqayıt Şəhidlər Xiyabanında torpağa tapşırılacaq.
Ə. Axundov Sumqayıt şəhər  16 saylı orta məktəbin 2010-cu il məzunudur.
Məlumat üçün bildirək ki, bununla da Sumqayıt şəhərinin şəhidlərinin sayı 4-ə çatıb.
Ə. Axundov Sumqayıt şəhər Mədəniyyət və Turizm idarəsinin məsləhətçisi Ceyran Axundovanın oğludur.
Allah rəhmət eləsin!