Özbəkistan keçmiş Sovet İttifaqına aid Almaz Fondundan tələb etdiyi haqqından vaz keçib.
Rəsmi Daşkəndin bu addımı qarşılığında prezident Vladimir Putin də imzaladığı fərmanla Özbəkistanın Rusiyaya olan 865 milyon dollar borcunu silib.
Özbəkistan mediasının yaydığı məlumata görə, bu il martın 25-də Rusiya Dövlət Duması və martın 30-da isə Federasiya Şurası tərəfindən səsvermə ilə qəbul edilən qərarı ötən gün prezident Vladimir Putin imzalayıb.
Vladimir Putinin 2014-cü ilin dekabrında Daşkəndə etdiyi səfər zamanı imzalanan sözügedən qərar əsasında tərəflər keçmiş Sovet İttifaqından miras qalmış maliyyə əməliyyatlarından qarşılıqlı razılıq əsasında vaz keçirlər. Bununla da Özbəkistan keçmiş Sovet İttifaqına aid Almaz Fondundan tələb etdiyi haqqından vaz keçməsi qarşılığında Rusiya bu ölkənin ödəyəcəyi 865 milyon dollar borcu siləcək.
Razılaşmaya əsasən, Özbəkistan Rusiyaya bu məsələ ilə əlaqədar cəmi 25 milyon dollar borc ödəyəcək.(Publika.az )
Xəbərdən istifadə edərkən istinad etmək vacibdir.
