Azərbaycan Respublikasının Prezidenti yanında QHT-lərə Dövlət Dəstəyi Şurasının dəstəyi və Azərbaycan Demokratik Tələbə Gənclər Təşkilatının (ADTGT) təşkilatçılığı və icraçılığı ilə keçən il həyata keçirilən "Şuşaya Azadlıq” beynəlxalq kampaniyası xarici tərəfdaşlarının Bakı Toplantısı əcnəbi ölkələrdə də real addımlarla öz fəaliyyət dairəsini genişləndirmişdir. ADTGT İctimai əlaqələr və informasiya departamentindən Xeberle.com-a verilən məlumata görə, kampaniyaya qoşulan xarici tərəfdaşlar tərəfindən Serbiya, Bosniya, Herseqovina, Türkiyə, Gürcüstan, Moldova, Ukrayna və Latviyada yerli ictimaiyyətin iştirakı ilə "Şuşaya Azadlıq” kampaniyasının xüsusi təqdimatları həyata keçirilmiş, Ermənistan Silahlı Qüvvələrinin işğalında olan, qədim mədəniyyət beşiyi olan Şuşa şəhərinin tarixi-milli abidələrinin erməni vandalları tərəfindən dağıdilmasına dair etiraz bəyanatları əcnəbi mediada işıqlandırılmışdır. 

Kampaniyanın xarici tərəfdaşları tərəfindən Şuşa ilə bağlı müxtəlif beynəlxalq mədəni-humanitar və sülh çağırışlı layihələr hazırlanmış və ADTGT ilə birgə həyata keçirilməkdədir. Bu sırada qardaş Tükiyədə atılan addım, real iş bu istiqamətdə ən uğurlu fəaliyyət sayılmalıdır. Təbii ki, bu təqdirəlayiq fəaliyyətin, addımın reallaşdırılması ADTGT-nin və "Şuşaya Azadlıq” kampaniyasının tərəfdaşı olan Türkiyənin Çorum Turk Ocaqları Dərnəyinin, onun başkanı Prof. Dr. İrfan Çağların, Dərnək başkanın yardımçısı, Çorumdakı Hitit Universitetinin muəllimi Fatih Şanozun və Boğazkale belediyyesinin zehmeti ve emeyi sayəsində olmuşdur. 

Azərbaycanın işğal altındakı torpaqlarından biri olan Dağlıq Qarabağ ərazisində yerləşən ŞUŞA şəhərinin adı Çorum Bağazkale Bələdiyyəsi Məclisinin verdiyi qərarla bölgənin əsas prospektlərindən (cadde) birnin adı ŞUŞA Prospekti olaraq dəyişdirilmiş və bundan sonra bu tarixi, mədəni Azərbaycan şəhərinin adı burada rəsmiləşdirilmişdir.

Mövzu ilə əlaqədar olaraq Çorum Bağazkale Bələdiyyə Başkanıı Osman Tangazoğlu verdiyi açıqlamada "dünyada sülhün rəmzi olan Hititlərə paytaxt olan şəhərimiz, Qarabağ probleminin sülh yolu ilə həll olunmasının vacib olduğunu və qardaş ölkəmiz Azərbaycanın ərazi bütövlüyünə olan hörmət və həssaslığımızı bir daha göstərmək üçün bu addımı attıqlarını” bildirib. 

Türkiyə Respublikasının vətənini, millətini sevən hər bir vətəndaşının bu məsələdə qardaş ölkəmiz Azərbaycanın yanında olduğunu da sözlərinə əlavə edib. Məsələ ilə bağlı daha böyük layihələrin yaxın gələckdə həyata keçiriləcəyini bildirən Tanzanoğlu, bu məsələnin gündəmə gəlməsində başda Bələdiyyə Məclis üzvlərinə, Azərbaycan Respublikasının Prezidenti yanında Qeyri-Hökumət təşhkilatlarına Dövlet Dəstəyi Şurasının maliyyə dəstəyi ilə Azərbaycan Demokratik Tələbə Gənclər Təşkilatı (ADTGT) rəhbərləri, Asif Əsgərli, Gülnara Bağırova, Hitit Universiteti müəllimi Fatih Şanöz'ə təşəkkürünü çatdırmışdır. 

Xatırladaq ki, Türkiyənin Çorum İli UNESCO tərəfindən qədim Hitit dövləti və Hitit mədəniyyətinin paytaxtı kimi siyahıya daxil edilmişdir. 

Xeberle.com