Qazaxıstanın iş adamlarından ibarət nümayəndə heyəti Yerevanda keçiriləcək «Invest Armenia – 2016» forumuna getməkdən imtina edib.
Ermənistan KİV-i bildirir ki, bunu Ermənistan Sənayeçilər və Sahibkarlar İttifaqının sədri Arsen Kazaryan deyib.
"Təəssüf ki, Qazaxıstanın böyük nümayəndə heyəti gəlmir. Nə etməli. Onlar totalitar dövlətin vətəndaşlarıdır və bircə əmr yetər ki, gəlməsinlər. İmtinanı onlar təhlükəsizlik məsələsi ilə izah etdilər”, - Kazaryan belə deyib.
Xatırladaq ki, Ermənistanda Qazaxıstana qarşı kampaniya başlayıb. Bunun səbəbi isə Dağlıq Qarabağda münaqişənin fəal dövründə Nursultan Nazarbayevin Yerevanda Avrasiya İqtisadi Şurasının sammitinə gəlməməsi olub.(Virtualaz.org )
Xəbərdən istifadə edərkən istinad etmək vacibdir.
