Bu gün Sumqayıtda Azərbaycan Respublikasının Konstitusiyasına təklif edilən dəyişikliklərlə bağlı keçiriləcək referendumla əlaqədar olaraq Sumqayıt Bələdiyyəsinin təşkilatçılığı ilə yığıncaq keçirilib. Yığıncaqda bələdiyənin üzvləri, aparat işçiləri, məhəllə komitələrinin nümayəndələri, şəhər Ağsaqallar Şurasının üzvləri və KİV nümayəndələri iştirak ediblər.
Sumqayıt Bələdiyyəsinin Mətbuat Xidmətindən verilən məlumata görə, toplantıda Referendumun keçirilməsinə dəstək məqsədi ilə təşəbbüs qrupu yaradılıb və Sumqayıt Bələdiyyəsindən referendum üzrə təşəbbüs qrupunda təmsil olunmaq üçün nümayəndələr seçilib.
Çıxış edən Sumqayıt Bələdiyyəsinin sədr müavini Musa Həsənov bildirib ki, təklif edilən dəyişikliklər ölkədə insan hüquq və azadlıqlarının konstitusion təminatının daha da gücləndirilməsinə, demokratik təsisatların fəaliyyətinin və bütövlükdə idarəetmə sisteminin təkmilləşdirilməsi məqsədlərinə xidmət göstərir.
Daha sonra çıxış edən şəhər Ağsaqqallar Şurasının sədri Müzəffər Gülümov, bələdiyyə üzvləri Akif Kərimov, Fəxrəddin Rəhimov, bələdiyyə komitəsinin sədrləri Mirzağa İsgəndərov, Nadir Həsənov və başqaları sumqayıtlıların bu referendumda aktiv iştirak edəcəyini, dövlətimizin maraqları mövqeyindən çıxış edərək öz münasibətlərini  ifadə edəcəklərini bildiriblər.

Xəbərdən istifadə edərkən istinad etmək vacibdir.