İran prezidenti Həsən Ruhani Bakı səfərində rusiyalı həmkarı ilə Türkiyə prezidenti Ərdoğana yardım etmək məsələsini müzakirə etmək niyyətindədir.
"Qafqazinfo” xarici KİV-ə istinadən xəbər verir ki, bu barədə İran XİN rəhbərinin müavini İbrahim Rahimpur açıqlama verib. Onun sözlərinə görə, söhbət xüsusilə, iqtisadi yardımdan gedir:
"Biz cənab Putinlə düzgün qərar qəbul edə bilməsi üçün ölkədə yaxşı şərait yaradılmasında Ərdoğana yardım etmək istəyirik. Bura regional məsələlər - İraq və Suriya də daxildir. Cənab Ruhani və Putin Ərdoğana yardım etməyə və onu dəstəkləməyə hazırdırlar. Hökuməti xalq müəyyən etməlidir, digər ölkələr və qüvvələr deyil.
Əgər normal şərtlər olsaydı cənab Ərdoğan da bu görüşə qatılardı. Lakin bildiyim qədər o, sabah cənab Putinlə görüşmək üçün Sank-Peterburqa uçur”.

Xəbərdən istifadə edərkən istinad etmək vacibdir.