Bu barədə İ.Aşqın özünün facebook səhifəsində məlumat verib: 

"2014 cü ildə ermənilər Almeloda kilsəsinin bağçasında 24 ədəd qondarma "erməni soyqırımı" anıtı tikməyə başlamışdılar. Hər zaman olduğu kimi, bu dəfə də Türk təşkilatları ilə birlikdə bu olayı protest etdik. 10 mindən artıq insan səsimizə səs verərək bizimlə meydanlara çıxdı. 1 iyul 2014-cü ildə keçirilən həmin mitinqdə ermənilərin Azərbaycan türklərinə etdiyi dəhşətli soyqırım barədə məlumat verdim. Hətta ermənilərin Azərbaycan torpaqlarını işğal etdiyini, Qarabağdan çəkilmədikləri təqdirdə o torpaqları onlara məzar olacaq demişdim. Çünki ermenilər 1992-ci ildə Qarabağ və çevrəsindəki rayonlarımızda uşaq, qadın, yaşlı demədən minlərlə insanımızı ağılalmaz işgəncələr verərək qətl etmişdir. Təəssüf ki, bu vəhşiliyi edənlərin arxasınca düşmək əvəzinə həmin faciəni yaşayanların üsyanını dilə gətirdiyim üçün Hollandiya məhkəməsi ifadə almaq və hətta cəzalandırılmağıma dair mənə məktubla müraciət edib" deyə yazan diaspor rəhbəri minlərcə verdiyimiz şəhidlərdən artıq olmadığını, onun da vətənə borcunu bu cür ödəmək lazım gələrsə sonuna qədər ödəyəcəyini və bununla qürur duyduğunu bildirdi".

Məsələ ilə bağlı İ.Aşqınla əlaqə saxladıq, o, bildirdi ki, məhkəmədən ona göndərilən məktubda 13-27 iyun 2014 cü il tarixdə haqqında cinayət işi açıldığını Almelodada 1 iyundakı çıxışı zamanı guya irqçi ifadələr işlətdiyi və buna görə Oost Niderlant polisinin onun haqqında apardığı araşdırma sonunda "bəzi kanıtlar" və ermənilərə qarşı şiddətli ifadələr işlətdiyi bəyan edilərək cəza qanunun 137d lit1 məqaləsinə görə haqqıda cinayət işi açılıb. Buna görə də o, 30 sentyabr 2016-cı il tarixdə saat 10:00-da Den Haq Polis İdarəsinə çağırılıb. Həmin məktubda ona vəkili ilə gəlmək tövsiyyə edilib.

Sonda İ.Aşqın bu gün vəkiliylə görüşəcəyini məsələnin gedişatı barədə mətbuata geniş məlumat verəcəyinidə vurğulayıb.