İrəvanda nümayiş etdirilən "İsgəndər” raketləri Azərbaycanı qorxuda bilməz
Politika.Az-ın məlumatına görə, Ermənistana cavab olaraq İsrailin hərbi sənaye şirkəti "Aeronautics” LTD iki yeni taktiki pilotsuz uçan aparatı Bakıya göndərir.
Bununla da neçə gündür ki medianın müzakirə etdiyi vəziyyətin tam mənzərəsi aydın olub. Belə ki, aprel müharibəsindən sonra iki ölkə arasında əzələ nümayişi silah satışı müstəvisində fokuslanıb.
Qarabağda yeni müharibənin başlanmasına hazırlıq getdiyini də söyləmək olar. Əvvəlcə silahların gücünü nümayiş etdirən tərəflər daha sonra onları səngərlərdə işlətməyə başlayacaq. Referendumdan sonra yeni müharibənin alovlanması istisna deyil.
Azərbaycanın İsraildən aldığı "Harop” pilotsuz döyüş sistemləri bu ilin aprelində gedən döyüşlərdə ilk dəfə tətbiq olunub və düşmənin bir sıra hədəflərini yüksək dəqiqliklə məhv edib.
Bu pilotsuz döyüş sisteminin tətbiqi ermənilər arasında böyük panikaya səbəb olmuşdu.
Politika.Az xəbər verir ki, indi İsrail şirkəti bundan daha mükəmməl iki pilotsuz döyüş sistemini Bakıya gətirir.
Belə görünür ki, Qarabağdakı işğalçı erməni əsgərlərinin daha çox qorxmasına əsaslar var. Ermənistan hakimiyyətinin qəsdən "İsgəndər” raketinin şəkillərini saytlarda yaymasının məqsədi Azərbaycan cəmiyyətində qorxu yaratmaqdır.
Azərbaycan XİN-nin rusiyalı həmkarlarına müraciət etməlidir. Qoy Rusiya XİN və ya Müdafiə Nazirliyi açıqlama verib desin ki, həmin "İskəndər” raketləri onlarındır, yoxsa ermənilərin.
Xəbərdən istifadə edərkən istinad etmək vacibdir.
