ABŞ-da prezident seçiklərinin nəticələri məlum olub. Respublikaçılar Partiyasının namizədi Donald Tramp ABŞ-ın yeni prezidenti seçilib. Demokratlar Partiyasının namizədi Hillari Klintonu məğlub edən D.Tramp ABŞ-ın 45-ci prezidenti olub.
Birləşmiş Ştatlarda keçirilən prezident seçkilərindən sonra dolların məzənnəsi və dünya maliyyə bazarları çökür. Dollara qarşı avro 2%-dən artıq, funt isə – 1%-dən artıq möhkəmlənib. Dollar yapon yeninə qarşı 3%-dən artıq, İsveçrə frankına qarşı isə 2%-dən artıq ucuzlaşıb. Bu, Respublikaçılar partiyasından olan Donald Trampın seçkilərdə qalib gəlməsi ilə bağlı xəbərlərin fonunda baş verir. Bloomberg bildirib ki, Trampın mümkün qələbəsi haqqında xəbərlər bazarlarda çaxnaşma yaradıb. S&P 500 indeksi üçün fyuçerslər 4,3%-dən artıq düşüb. Fyuçersləri alan investorlar indeksin gələcəkdə dərəcələrinə investisiya qoyuluşu edir.
İqtisadçıların proqnozlarına görə, Trampın qələbəsi rəsmən elan olunan zaman dollar dünya valyutalarına qarşı xeyli ucuzlaşacaq. (Report)
Xəbərdən istifadə edərkən istinad etmək vacibdir.
