Türkiyə və Rusiya Suriyada münaqişə tərəflərinə təqdim olunacaq hərtərəfli atəşkəs planını razılaşdırıblar.
Bu barədə "Anadolu" agentliyi hökumət mənbələrinə istinadən xəbər yayıb.
Planın Suriyadakı münaqişə tərəflərinə təqdim olunması nəzərdə tutulur. Plan Hələbin şərqində atəşkəs barədə razılaşma əldə edildikdən sonra bütün Suriya ərazisinə şamil olunacaq.. Plana əsasən atəşkəs rejimi dekabrın 29-u saat 00:00-dan etibarən qüvvəyə minəcək.
Atəşkəs rejimi terror təşkilatlarına şamil olunmayacaq.
Dayanıqlı atəşkəs əldə olunduqdan sonra Suriya hökuməti və müxalifət Türkiyə və Rusiyanın dəstəyi ilə Astanada münaqişənin həlli ilə bağlı siyasi müzakirələrə başlayacaq.

Xəbərdən istifadə edərkən istinad etmək vacibdir.