"Özümüzü Azərbaycanın dostu və tərəfdaşı hesab edirik".
Xəbərlə.com-un APA-ya istinadən məlumatına görə, bunu Bakıda səfərdə olan Amerika Yəhudi Komitəsinin icraçı direktoru Devid Harris deyib.
O, Azərbaycana 8 nəfərlik nümayəndə heyəti ilə gəldiyini bildirib: "Biz yeni administrasiyadan olan nümayəndələrlə gəlmişik və ümid edirik ki, bu, Azərbaycan-ABŞ münasibətlərində yeni səhifə açacaq. Həmçinin səfərimiz İsrailin baş naziri Benyamin Netanyahunun Azərbaycana səfərindən sonra baş tutub. Biz İsraillə Azərbaycan və ABŞ-la arasındakı münasibətləri yüksək qiymətləndiririk və vacib hesab edirik. Azərbaycan ABŞ üçün vacib və dost ölkədir".
D. Harris Azərbaycan prezidenti İlham Əliyevlə keçirdiyi görüşə toxunaraq, qeyd edib ki, görüşdə ABŞ-Azərbaycan, İsrail-Azərbaycan münasibətləri, regional məsələlər, Dağlıq Qarabağ münaqişəsi, Rusiya və İranla münasibətlər müzakirə edilib.
Xəbərdən istifadə edərkən istinad etmək vacibdir.
