Qarsda keçirilən yüksəkvəzifəli məmurlar və ictimai təşkilatların nümayəndələri ilə görüşdə Türkiyənin nəqliyyat, dənizçilik, kommunikasiya naziri Əhməd Arslan erməni-türk münasibətlərinə toxunub.
Xəbərlə.com Türkiyənin "Sondakika” saytına istinadən xəbər verir ki, nazir erməni-türk münasibətlərinə Qarsın inkişafından danışarkən toxunub.
"Nə yazıq ki, Ermənistanla sərhədimiz bağlıdır. Kaş ki qapalı olmazdı, amma bunun bir şərti var. Ermənistan Dağlıq Qarabağdakı işğalına son qoyaraq Azərbaycanla münasibətlərini yaxşılaşdırmalıdır. O zaman sərhədləri açarıq”, - Arslan deyib.
Xəbərdən istifadə edərkən istinad etmək vacibdir.
