Kinodramaturq Rüstəm İbrahimbəyov Demokratik Qüvvələrin Milli Şurasına daxil olan siyasi qüvvələr arasındakı fikir ayrılığını aradan qaldırmaq, 2013-cü il mayın 28-də onun təşəbbüsü ilə yaradılan bu ictimai institutun fəaliyyətinin davamlılığını təmin etmək üçün qurumun fəxri sədri adının üzərindən götürülməsi barədə qərar qəbul edib.

 Turan- nin verdiyi məlumata görə,İbrahimbəyov Milli Şura üzvlərinə göndərdiyi müraciətində fəxri sədrlikdən istefa etdiyini açıqlayıb.

İbrahimbəyov istefa verməsini Müsavat partiyası ilə əlaqələndirib.

“Bütün bunları başa düşərək və Müsavat Partiyası rəhbərliyinin mənim Milli Şuranın fəxri sədri seçilməyim ətrafında apardığı diskussiyaların Milli Şuraya qarşı ümumi kampaniyanın tərkib hissəsi olduğunu nəzərə alaraq qurumun fəxri sədri postundan imtina etməyi öz borcum hesab edirəm.
Ümidvaram ki, mənim qərarım heç olmasa bir müddət partiyalararası gərginliyi aradan qaldıracaq və Milli Şuranın saxlanmasına yardım edəcək”-deyə müraciətdə qeyd olunub.