QINAYIRAM !
Azərbaycan iqtisadiyyatının güclənməsinə baxmayaraq dövlətində bir tikə çörəyə möhtac vətəndaşın özünü intihara etməsinə, qüdrətli ordumuz var deyib amma bir qarış torpağı azad edə bilməməsinə, xalqda vətən sevgisini öldürdüynə və s. görə YAP-ı.

QINAYIRAM !
Korporativ, şəxsi maraqlardan çıxa bilmədiyinə, milli ideallardan uzaqlaşıb xaricin - Avropanın, Amerikanın "mədəniyyətlərindəki tullantıları" cəmiyyətimizə daşımaqda körpü olduğuna, özünü demokrat adlandırıb amma avtoritarizmi yamsılayan MÜXALİFƏTİ.

QINAYIRAM !
Cəmiyyətdə olan siyasi, mənəvi, sosial-iqtisadi böhrandan gileylənib amma etiraz etmədiyinə, susduğuna görə, harınlamış məmur qarşısında içində nifrət olsa da, baş əydiyinə, yaltaqlığı məddahlığı xoşlamasa da, "erməniyə dayı deyim, işim düzələnə qədər" prinsipinə əməl etdiyinə, mənəvini deyil, maddini seçdiyinə görə VƏTƏNDAŞI.

QINAYIRAM !
Cəmiyyətimizdə problemləri görüb, qiymətləndirib, "boş oturmaq olmaz, bir işin qulpundan yapşmaq lazımdır" deyib amma vətəndaş hüquqlarından doğan potensialını gerçəkləşdirə bilmədiyinə, əsasən də laqeydlik xəstəliyindən sağalmadığına görə ÇEVRƏMİ.

QINAYIRAM !
Neqativ proseslərin qarşısını almaq istiqamətində səylərini güclədnirə bilmədiyinə görə ŞƏXSİMİ.


Kəramət Salayev, Azərbaycan Doğru Yol Partiyasının sədri