Güman olunur ki, Moskva Soçi olimpiadasından sonra regiona qoşun yeridə bilər.

Rusiya XİN Azərbaycan-Ermənistan sərhədində vəziyyətin gərginləşməsinə münasibət açıqlayıb.

 ANN.az xəbər verir ki, bəyanatda bu ölkənin xarici siyasət idarəsi pariteti qoruyub və vəziyyətin gərginləşməsində günahkar olanların adlarını açıqlamayıb.

Rusiya XİN bildirib ki, gərginliyin artacağı təqdirdə “2013-cü il noyabrın 19-da Vyana sammitində nail olunmuş Azərbaycan-Ermənistan razılaşmalarının həyata keçirilməsi ciddi şəkildə çətinləşə bilər”.

Rusiya XİN həmçinin münaqişə tərəflərini “1995-ci il 4 fevral tarixli Atəşkəs rejiminin möhkəmləndirilməsi haqqında Sazişlə nəzərdə tutulmuş” mexanizmlər də daxil olmaqla, vəziyyətin sabitləşməyinə yönəlik əlavə tədbirlər görməyə səsləyib.

Erməni mətbuatı bu bəyanatı Rusiyanın münaqişə tərəflərini ayırmaq bəhanəsi altında Qarabağa qoşun yeritmək niyyəti kimi dəyərləndirirlər. Güman olunur ki, bu, Soçi olimpiadasından sonra baş tuta bilər.