"Milli Məclisin yaz sessiyasının növbəti iclası martın 17-də keçiriləcək”.
Xeberle.com xəbər verir ki, bunu Modern.az saytına Milli Məclisin mətbuat katibi Akif Təvəkküloğlu deyib.
A.Təvəkküloğlu əlavə edib ki, parlamentin yaz sessiyasının martın 17-də iclasının gündəliyinə 1 məsələ daxil edilib.
Gündəliyə daxil olan məsələ aşağıdakıdır:
"Azərbaycan Nazirlər Kabinetinin 2016-cı ildə fəaliyyəti haqqında” hesabatı”.
Modern.az-ın məlumatına görə, martın 17-də Milli Məclisə hesabatı Baş nazir Artur Rasizadə verəcək.
Bu arada bəzi iddialara görə, bu, 82 yaşlı Baş nazirin hökumət adından verəcəyi son hesabat ola bilər. Məlumatlara görə, Azərbaycanda vitse-prezidentlik institutunun yaradılması ilə əlaqədar yaxın aylarda hökumətin strukturunda ciddi dəyişiklik gözlənilir. Bu dəyişiklik nəticəsində 82 yaşlı Artur Rasizadənin vəzifəsilə vidalaşacağı haqda deyilənlər də iddialar sırasındadır.
Xəbərdən istifadə edərkən istinad etmək vacibdir.
