Ukrayna ətrafında cərəyan edən hadisələr son günlərdə yenidən Donetski, Xarkov və Luqanskın fonunda gərginləşib. Ümumiyyətlə, Ukraynada baş verən təhlükəli olaylar elə bir həddə çatıb ki, sonluğun hansı nəticə ilə bitəcəyini tam olaraq sӧyləmək belə mümkün deyil. Təkcə bir məsələ bəllidir, məlum mübarizədə ya Rusiya, ya da Qərb “dizlərini” yerə atacaq və beləliklə dünya düzəninin yeni xəritəsi yaranacaq. Ona gorə də hər iki tərəf ciddi cəhdlə sӧzün əsl mənasında Ukrayna uğrunda gedən savaşın qalibi olmaq üçün ӧlüm–dirim mübarizəsinə qalxıblar. Və bu istiqamətdə bӧyük güclər əhəmiyyətli dərəcədə səylərini artırıblar.

Xüsusən də Rusiya, Ukraynada ciddi maraqlar qazanmaq üçün əldən-ayaqdan gedir. Artıq Kreml dərk edir ki, onlar bӧyük Ukraynada olan maraqlarını itiriblər. Ona gӧrə də ölkənin heç olmasa, rusların çoxluq təşkil etdiyi cənubuna və şərqinə sahiblənmək niyyətlərini büruzə verirlər. Ruslar istəyirlər ki, Krımı siyasi yolla ӧz ərazilərinə qatdıqları kimi, Ukraynanın cənub–şərqinə də sahib olsunlar və beləliklə ikiyə bӧlünəcək Ukraynanın heç olmasa yarısına birbaşa nəzarəti ələ keçirsinlər. Bӧyük ehtimalla vəziyyəti ӧz xeyrinə dəyişmək üçün Rusiya sӧzügedən regionlara da hərbi müdaxilə edəcək. Belə demək mümkünsə artıq,  Rusiya “qayğıkeş” işğalçılıq xəttinə start verib. Özü də bu siyasət çoxşaxəli formada davam etdirilir.

Buradan belə bir nəticəyə gəlmək olur ki, bu gün Xarkov, Donetsk və Luqanskda baş verən olayları kӧrükləyən Kreml, sabah Dneprpetrovskidə və digər rusdilli əhalinin kompakt yaşadıqları ərazilərdə diversiya hərəkətlərinə “yaşıl işıq” yandıracaqları şübhə doğurmur. Deyilənlərin sübutu olaraq Ukrayna xüsusi xidmət orqanlarının əməkdaşları tərəfindən saxlanılan diversant Mariya Koledanı və Xersonda əməliyyat nəticəsində Kaxov SES–i ələ keçirməyə cəhd edən silahlı diversiya dəstəsinin zərərsizləşdirilməsini gӧstərmək mümkündür.

Ümumiyyətlə hadisələrin axarına baxdıqda bu gün Kremlin ӧz istəklərinə addım-addım yaxınlaşdığını müşahidə etmək mümkündür.  Bu isə rəsmi Moskvanın Vaşinqtondan və Brüsseldən bir addım ӧndə olduğu qənaətini yaradır. Həttə bir çox ekspertlər və siyasi analitiklər artıq ABŞ və AB ӧlkərinin Vladimir Putinin qarşısını ala bilməyəcəkləri haqda fikirlər də səsləndirirlər. Əslində, Rusiyanın Qərb üzərində qalib gələcəyini düşünənləri anlamaq bir o qədər də çətin deyil. Çünki Rusiyanın real addımlarının qarşısını almaq üçün Qərb “ümumi strateji konsepsiya” ortaya qoymaq əvəzinə hələlik sadəcə quru bəyanatlarla kifayətlənir və bəzi təsirli effektə malik olmayan siyasi sanksiyalar ortaya qoyur.

Eyni zamanda nəzərə almaq lazımdır ki, Kremlin hüdudsuz ӧzbaşınalığına dünya birliyi heç bir vəchlə biganə qalmaq da istəmir. V.Putinin məsuliyyətsiz hərəkətləri artıq dünyanı qorxuya salıb. Hətta rusiyalı rəsmilərin və  diplomatların gizlin danşıqlarından da məlum olur ki, sӧzügedən ӧlkənin çox ciddi və təhlükəli işğal planı mӧvcuddur.

Belə olduqda  təbii ki, keçmiş sovet ӧlkələrini, o cümlədən  Avropanı, dolayısı ilə bütün dünyanı  “rus xofu”  bürüməlidir. Bu isə o deməkdir ki, dünya birliyinin iki yolu qalır, ya əlini qolunu sallayıb Kremlin boyunduruğuna keçmək, ya da birlik nümayiş etdirib Rusiyanın zoruna qarşı çıxmaqdır.

Çox güman ki, Qərb ikinci varianta gedəcək. Düzdür, firavanlıq içində yaşayan AB ӧlkələri Rusiya ilə qarşıdurmaya getməkdə tərəddüd edir. Bunun da müxtəlif səbəbləri var. Burada həm dağıdıcı müharibə qorxusu, həm də iqtisadi itkilər qorxusu var. Çünki, Rusiya AB üçün ciddi bazar hesab olunur.  ABŞ–ın isə AB–dən fərqli olaraq Rusiyadan nə iqtisadi baxımdan asılılığı, nə də hərbi baxımdan çəkinəcək yeri yoxdur.

Ona gӧrə də rəsmi Vaşinqton və Brüssel konkret qərarlar qəbul etməklə NATO–nu dӧvriyyəyə soxmalıdırlar. Burada sӧhbət NATO üzvü olmayan Ukraynanın və yaxud da digər bu kimi ӧlkələri müdafiə etməklə alyansın nizamnaməsinin pozulmasından getmir, sӧhbət dünyanı bürümüş V.Putin təhlükəsinin xilasından gedir. Ona gӧrə də Qərb dərhal hərəkətə keçməlidir. Əks təqdirdə dünya Rus imperiyasının hegemonluğuna “boyun “əyməli” olacaq.

Ümumiyyətlə, hadisələrin davamına baxdıqda belə bir qənaətə gəlmək olur ki, Rusiya bu oyndan məğlub çıxacaq. Çünki Vladimir Putinin saymazyana davranışlarına dünya birliyi sona qədər səbr edə bilməyəcək. İkincisi, izoliyasiyaya məruz qalmış Rusiya hazırkı durumda bütün dünya ilə təkbaşına mübarizə aparmaq iqtidarında deyil. Kremlin bugünkü uğurları müvəqqəti xarakterlidir və bӧyük ehtimalla hadisələrin nӧvbəti mərhələsində Moskvanın nə qədər dərin quyuya düşdüyü aydın olacaq.

Bӧyük ehtimalla Moskvanın, Donetsk, Xarkov və Luqanska hərbi müdaxiləsindən sonra Qərb təxirəsalınmaz addımlar atacaq. Gӧrünür, Qərb dairələri Krımda keçirilən referendumda bitərəf qalmış dӧvlətləri, əsasən də Çini inandırmaq istəyir ki, “Rus təhlükəsi” hər an sizin “qapınızı dӧyə bilər”. Ona gorə də bu təhlükəni ӧnləmək üçün birgə addım atmaq lazımdır.

Elçin Abdullayev, Xeberle.com

P.S. Sadəcə Vladimir Putin əlində olan nüvə silahı ilə istəyir ki, bütün dünyanı şantaj etməklə qarşısında baş əydirsin. Bu arada Rusiyanın məlum davranışı təsdiq etdi ki, əgər dünya dӧvlətləri sülh və əmin-amanlıq istəyirsə, hər bir ӧlkə nüvə silahına malik olmalıdır.