“Qondarma “erməni soyqırımı” bəzi böyük dövlətlər və erməni dairələri tərəfindən süni şəkildə yaradılıb”. Bunu SİA-ya millət vəkili, professor Musa Qasımlı ermənilərin uydurma “erməni soyqırımı”na hazırlaşmasına münasibət bildirərkən deyib.

Deputatın sözlərinə görə, heç bir zaman “erməni soyqırımı” olmayıb: “Erməni silahlı, terror dəstələri Birinci Dünya müharibəsi illərində soyqırımı dinc türk əhalisinə qarşı törədiblər. Bununla bağlı yüzlərlə ən mötəbər mənbələr var. Həmin mənbələr erməni silahlı dəstələrinin hazırlanmasına və fəaliyyətinə aiddir. Digər tərəfdən bununla bağlı ermənilərin özlərinin çəkdikləri fotoşəkillər var. Təbii ki, bunlar təkzibedilməz faktlardır. Erməni dairələrinin əlində heç bir mənbə yoxdur. Onlar bu məsələ barəsində yalnız xatirələrin əsasında danışırlar. Qondarma “erməni soyqırımı” deyilən bir məsələdən müəyyən dairələr daim siyasi məqsədlər üçün istifadə ediblər. Hesab edirəm ki, ermənilərin iddialarının heç bir tarixi, siyasi və hüquqi əsası yoxdur”.