Krımın işğalından ruhlanan rusdilli əhalinin Ukraynanın cənub-şərqində separatçılığa yol açan hərəkətləri bőlgədəki müharibə ehtimalını artırıb. Krımda hazırlıqsız yaxalanan Ukraynanın müvəqqəti hökuməti artıq cənub şərq vilayətlərində Rusiyaya güzəştə getmək kimi fikrinin olmadığını gőstərmək üçün Milli Qvardiyanı qaynar nőqtələrə gőndərdi. Bu isə o deməkdir ki, bölgədə yeni müharibə dalğasının vüsət alma ehtimalı yüksəkdir, bəlkə də qaçılmazdır. Çünki, hər iki tərəf bir-birinə güzəştə getmək fikirində deyil. İndi hər kəsi bir fikir düşündürür, əcəba, bu qarşıdurmadan kim qalib çıxacaq, Ukrayna, ya Rusiya? Təbii ki, sőhbət təkcə Rusiya və Ukrayna arasında aparılan mübarizədən getsəydi, birmənalı olaraq birincinin qalib olacağı sőylənilərdi. Ancaq Ukraynada cərəyan edən hadisələrin kőkündə Qərb-Rusiya qarşıdurması durduğundan vəziyyətin mürəkkəb olacağı heç kimsədə şübhə doğurmur. Əsl sual doğuran məqam da elə buradadır. Hələ hadisələr başlayan ilk gündən yazılarımın birində qeyd etmişdim ki, Ukrayna sőzün həqiqi mənasında Qərblə Rusiyanın savaş meydanına çevriləcək. Ən son anda isə Qərb őzü müharibəyə girmədən Ukraynanı silahla təchiz edib Rusiya ilə üz-üzə qoyacaq. Çünki Vladimir Putinin Ukraynaya nüvə atma ehtimalı Qərb dovlətləriylə müqayisədə çox aşağıdır. Kreml dərk edir ki, Ukraynanı nüvə başlığı ilə vurmaq, həm də őzünü vurmaq deməkdir. Bu gün isə təəssüflər olsun ki, bu proqnozum őzünü doğrultmaq üzərədir. Qərb, xüsusən də ABŞ, Rusiyanı çőkdürmək üçün onu həm müharibəyə cəlb edib itkilərini artırmaq, həm də iqtisadi sanksiyalarla bitirmək məqsədini güdür və bőyük ehtimalla buna da nail olacaq. Baxmayaraq ki, Kreml hələ də dirəniş gőstərir. Əslində, bu dirənişin sonluğu Rusiyanı dərin bir quyuya yuvarlayır. Sadəcə Krımın işğalından sonra eyforiyaya qapılmış rus liderlər ya acı sonluğu görə bilmirlər, ya da gőrməzlikdən gəlirlər. V.Putin hələ də dərk etmir ki, Qərb Rusiyanı Gürcüstan hadisələrinə cəlb etməklə ondan işğalçı obrazı yaradaraq ayağından, Ukraynada isə belindən yapışıb. Belə bir vəziyyətdən Rusiyanın çıxacağı isə çox çətin gőrünür. Bunun üçün V.Putin buraxdığı səhfi etiraf edib dővlətinin bu oyundan geri çəkildiyini rəsmən etiraf etməlidir, ya da Avropanı işğal edib Üçüncü Dünya müharibəsinə başlamalıdır ki, hər iki halda Rusiyanın məğlubiyyəti qaçılmaz olacaq. Ən yaxşı halda isə rusiyalılar yaxın zamanlarda ayağa qalxmalı: ya Rusiya, ya da V.Putin seçimini etməlidirlər ki, ikinci daha məqbul variantdır. Və bőyük ehtimalla sonuncu fikir gələcəyin reallığına çevriləcək. 

Elçin Abdullayev 

P.S. Rusiyanın çokdürülməsi üçün Gürcüstan hadisləri və Ukraynada baş verən mövcüd olaylar Qərbin böyük bir projesidir.