Ermənistanın Ekvadordan banan idxalı ilə məşğul olan "ArmExc Trading” şirkətinin rəhbəri Vardan Arutyunyan şirkətinin Azərbaycanda geniş biznes fəaliyəti planlaşdırdığını iddia edib.
Xeberle.com-un İstiPress-ə istinadən məlumatına görə, "EADaily” portalına müsahibə verən Vardan Arutunyan İrana Azərbaycandan keçməklə banan ixrac etməyi qərara aldıqlarını bildirib. Onun sözlərinə görə, banan Ekvadordan Gürcüstana gələcək və buradan Azərbaycandan keçməklə İrana aparılacaq, biznesdən əldə edilən gəlir isə Ermənistan büdcəsinə ödəniləcək.Vardan Arutyunyan bildirib ki, bananlar sanksiya üzündən birbaşa Ermənistana gətirilə bilmir. Buna görə də Gürcüstana gətirilir və oradan nəql edilir. Bununla o, dolayısı ilə hazırda Qazaxıstanın da eyni sxemlə banan almasını vurğulamış olur.
Bütün bunlar öz yerində, amma "ArmExc Trading” şirkəti Azərbaycandan mal keçirərkən hansı ölkənin şirkəti kimi qeydiyyatdan keçib? Yəqin ki, bu şirkətin Gürüstan törəməsi Azərbaycanla əlaqələr qurub. Beləliklə, Azərbaycan istər-istəməz müharibə etdiyi Ermənistanın büdcəsinə əlavə gəlirlərin daxil olmasına vəsilə olub. Rəsmilər bu məsələni diqqətdən çıxarmamalıdırlar.
Xəbərdən istifadə edərkən istinad etmək vacibdir.
