Azərbaycan parlamentinin növbədənkənar iclasının vaxtı və gündəliyi məlum olub. Milli Məclisin mətbuat katibi Akif Təvəkküloğlunun Modern.az saytına verdiyi məlumata görə, iyun ayının 20-də keçirilən növbədənkənar sessiyanın gündəliyinə 26 məsələ salınıb.
Növbədənkənar sessiyanın gündəliyində bir sıra qanunlara dəyişikliklər nəzərdə tutulub.
“Dövlət sirri haqqında”, “Kəşfiyyat və əks-kəşfiyyat fəaliyyəti haqqında”, “Əməliyyat axtarış fəaliyyəti haqqında”, “Bank haqqında”, “Fərdi məlumatlar haqqında”, “Dövlət rüsumu haqqında”, “İcbari sığorta haqqında”, “Sığorta fəaliyyəti haqqında”, “Sığorta fəaliyyəti haqqında” qanunlara, İnzibati Xətalar Məcəlləsində, Mülki Məcəllədə, Vergi Məcəlləsində, habelə “Yerli bələdiyyə, vergilər və ödənişlər haqqında”, “Şəhərsalma və tikinti Məcəlləsi haqqında” qanunlara əlavə və dəyişikliklər ediləcək. Ümumilikdə növbədənkənar sessiyasının gündəliyində 26 məsələ müzakirə olunacaq.
A. Təvəkküloğlu onu da bildirib ki, 26 məsələdən əlavə, “Beynəlxalq hüquq üzrə Haaqa Konfransının nizamnaməsinin təsdiq edilməsi” ilə bağlı qanun layihəsi və “Azərbaycan Respublikası Hökuməti ilə İran İslam Respublikası hökuməti arasında Ordubad və Marazat Su Elektrik Stansiyalarının tikintisi və istismarı haqqında” saziş təsdiq ediləcək.
Xəbərdən istifadə edərkən istinad etmək vacibdir.
