Azərbaycan Respublikası Prezidentinin Administrasiyasının rəhbəri,

akademik Ramiz Mehdiyevə

 Azərbaycan Milli Elmlər Akademiyasının prezidenti,

akademik Akif Əlizadəyə

 AMEA-nın akademiklərinə

 Hörmətli akademiklər!

Elmimizin və təhsilimizin vəziyyəti hamıya aydındır. Bu vəziyyətin izahına ehtiyac duymuram!

Elmimizlə təhsilimizin inteqrasiyası da yoxdur.

İyun ayınının axırlarında AMEA-nın həqiqi üzvlüyünə, və müxbir üzvlüyünə seçkilər keçiriləcək!

AMEA sistemini dərindən bilən bir insan kimi deyə bilərəm ki, bu seçkilər də əvvəlki seçkilərdən biri olacaq. Yəni AMEA üzvlərinin sayı artacaq. Başqa bir şey olmayacaq. Elmimizin və təhsilimizin problemləri, elmimizlə təhsilimizin inteqrasiyası, elmimizin dünya standartları səviyyəsinə qaldırılması, elmimizin maddi-texniki bazasının yaradılması kimi mühüm problemlər isə həll edilməyəcək.

Vəziyyətdən yeganə çıxış yolu seçkilərin konsepsiyasında  dəyəşiklik edilməsidir. Əsas dəyişiklik isə AMEA-nı və Azərbaycan elmini bu vəziyyətdən kimlərin xilas edə bilməsindən ibarətdir. 

Mənim fikrimcə  AMEA-nın həqiqi üzvlüyünə namizədlərin sayını artırmaq lazımdır. Bu siyahıya AMEA-nı və Azərbaycan elmini indiki vəziyyətdən xilas edə bilən şəxslər əlavə olunmalıdılar.

Mən sizi  hamımzın hörmət bəslədiyimiz, Heydər Əliyev Fondunun prezidenti, YUNESKO-nun və İSESKO-nun xoş məramlı səfiri, millət vəkili Mehriban xanım Əliyevanı Azərbaycan və Dünya mədəniyyətinin inkişafındakı xidmətlərinə görə AMEA-nın akademiki seçməyə çağırıram!

Mehriban xanımın akademik seçilməsi AMEA seçkilərinin fəlsəfəsində dəyişiklik deməkdir. Yəni akademik özünün dünya miqyaslı keçmiş və indiki işləri ilə yanaşı gələcəkdə görə biləcəyi işlərə görə seçiləcək!

Mehriban xanımın akademik seçilməsi AMEA ilə Heydər Əliyev Fondu arasında sıx əməkdaşlıq yaradacaq.

Heydər Əliyev Fondunun prezidentinin akademik olması AMEA üçün şərəfli bir hadisə olacaq!

Çünki Azərbaycan dövləti və Azərbaycan elmi Heydər Əliyevin birbaşa əsərləridilər. Heydər Əliyev qədər ziyalını və elm adamlarını qiymətləndirən ikinci böyük tarixi şəxsiyyət olmayıb!

Bu gün Mehriban xanımın dünya miqyaslı işləri dünyada Azərbaycanın nüfuzunun yüksəlməsinə xidmət edir!

Mehriban xanımın gördüyü işlər həm islam, həm xristian aləmində və bütün dünyada yüksək qiymətləndirilir!

Əminəm ki, Mehriban xanım AMEA-nın akademiki olsa, Azərbaycan və dünya mədəniyyətini inkişaf etdirdiyi kimi, Azərbaycan elmini də yüksəklərə qaldıracaq!

Hörmətli akademiklər! Sizi qətiyyət göstərməyə və Azərbaycan elminin inkişafı naminə Mehriban xanımı akademik seçməyə çağırıram!

Mehriban xanıma isə dünya şöhrətli və səlahiyyət sahibi olan bir insan kimi uğurlar arzulayıram və elmimizin problemlərinin həll edilməsində misilsiz işlər görməsini arzu edirəm!

 Qüdrət İsaqov

 fizika-riyaziyyat elmləri doktoru,

fizika üzrə AMEA-nın müxbir üzvlüyünə namizəd,

Avropa Təbiət Elmləri Akademiyasının(ATEA) akademiki,

ATEA-nın Rentgen Medalı Laureatı,

Beynəlxalq Alternativ Energetika və Ekologiya jurnalının baş redaktorunun müavini.