Bu gün Yeni Azərbaycan Partiyası Sumqayıt şəhər təşkilatının növbəti konfransı keçirilib.
Konfransda ötən müddət ərzində şəhər təşkilatının fəaliyyətindən danışılıb,gələcək perspektivlərdən söhbət açılıb.
Xeberle.com-un məlumatına görə, bununla yanaşı şəhər təşkilatının seçkili orqanlarına da seçkilər keçirilib. Bu seçkilərdən sonra Sumqayıt şəhər təşkilatının sədri postunda dəyişiklik olub. Konfrans iştirakçıları Sumqayıt şəhər təşkilatına Ramiz Ağəli oğlu Hüseynovu seçiblər.
Xatırladaq ki, R.Hüseynov buna qədər Sumqayıt Dövlət Universitetinin humanitar məsələlər üzrə prorektoru işləyib.
Sumqayıt şəhər təşkilatının əvvəlki sədri Asif İmaməliyev partiyanın mərkəzi aparatında sektor müdiri təyin olunub.
Qeyd edək ki, Asif İmaməliyev II çağırış Milli Məclisin deputatı, 1999-2004-çü illərdə Sumqayıt şəhər bələdiyyəsinin üzvü olub.
2005-ci ildə YAP Sumqayıt şəhər təşkilatının VI konfransında təşkilatın sədri seçilib.
Xəbərdən istifadə edərkən istinad etmək vacibdir.
