Sumqayıtda fəaliyyət göstərən "Dünya" Tv kanalının "Simalar" verilişinin müəllifi və aparıcısı Pərviz Şahhüseynli deputat olmaq qərarına gəlib.

Xeberle.com- a daxil olan məlumata görə P. Şahhüseynli 2015-ci ildə Azərbaycanda keçiriləcək parlament seçkilərində Sumqayıtdan namizədliyini irəli sürəcək. Məlumatı dəqiqləşdirmək üçün aparıcı ilə əlaqə saxladıq. 

P. Şahhüseynli Xeberle.com-a deputatlığa namizədliyini irəli sürəcəyi ilə bağlı yayılan məlumatı təsdiqlədi. O, gələn il Azərbaycanda keçiriləcək parlament seçkilərinə Sumqayıtdan qatılacağını vurğuladı.

 P.Şahhüseynli hansı dairədən namizəd olacağını isə hələ müəyyənləşdirmədiyini qeyd etdi: " Bildiyiniz kimin Sumqayıtda 4 seçki dairəsi var. Təhlil apararaq imkanlarımız və potensialımızı müəyyənləşdirib hansı dairədən seçkilərə qatılacağıma qərar verəcəm".

Qeyd edək ki, Pərviz Şahhüseynli 1980- ci ildə qərbi Azəbaycanın Sisyan (Qarakilsə) rayonunda anadan olub, Sumqayıt şəhərində yaşayır, ailəlidir.