ABŞ vətəndaşlarının Donald Trampın hakimiyyətinə olan inamı özünün ən aşağı həddinə çatıb.
Xeberle.com Axar.az-a istinadən xəbər verir ki, ABŞ-da keçirilən sorğu nəticəsində Donald Trampı respondentlərin yalnız 38 faizinin dəstəklədiyi ortaya çıxıb. Müqayisə üçün bildirək ki, bu rəqəm aprel ayında 44 faiz, may ayında isə 45 faiz olub.
Məlumata görə, ABŞ Prezidenti Donald Trampın fəaliyyətini amerikalıların 56 faizi dəstəkləməyib. Trampı dəstəkləyənlərin əksər hissəsi Respublikaçılar, əleyhinə çıxış edənlərin əksəriyyəti isə Demokratlar Partiyasının tərəfdarları olub.
ABŞ vətəndaşlarının 36 faizi prezidentə etibar etdiklərini bildirdiyi halda, 60 faiz iştirakçı mənfi rəy bildirib.
Sorğuda iştirak edənlərin 35 faizi Tramp hakimiyyətinin xarici siyasətini bəyəndiklərini, 61 faizi isə tamamilə əks mövqedə dayandıqlarını bildiriblər.
ABŞ-da 3-6 avqust tarixləri arasında keçirilən sosial sorğuda 1018 nəfər respondent iştirak edib.
Xəbərdən istifadə edərkən istinad etmək vacibdir.
