Britaniyanın Nyuport şəhərində Azərbaycan prezidenti İlham Əliyev, Ermənistan prezidenti Serj Sarkisyan və ABŞ-ın dövlət katibi Con Kerrinin üçtərəfli görüşü başa çatıb. Musavat.com-un News.am-a istinadən verdiyi məlumata görə, görüş Amerika tərəfinin təşəbbüsü ilə keçirilib.
ABŞ-ın dövlət katibi Con Kerri Dağlıq Qarabağ münaqişəsinin dinc yolla nizamlanmasının alternativinin olmadlğını bəyan edib. O, tərəfləri münaqişə zonasında gərginliyi azaltmaq və qarşılıqlı etimadı möhkəmləndirməyin mexanizmini tapmağa çağırıb.
Con Kerri ATƏT-in Minsk qrupu çərçivəsində danışıqların davam etdirməyin vacibliyini vurğulayıb. Onun sözlərinə görə, münaqişənin sülh yolu ilə həlli üçün tərəflərin siyasi iradəsi çox vacibdir.
Xəbərdən istifadə edərkən istinad etmək vacibdir.
