Mərkəzi Kəşfiyyat idarəsi (MKİ) 2 ay əvvəl İspaniya tərəfini hücum planı barədə məlumatlandırıb və terrorun baş verdiyi Ramblas bölgəsi hədəf bölgələr arasında göstərilib.
 Bu iddia ilə nüfuzlu "İndependent” nəşri çıxış edib.
Qəzet bildirib ki, 2004-cü ildə Madrid şəhərində baş verən terror hadisələri zamanı 191 nəfər öldürülüb, keçirilən 200 əməliyyat nəticəsində ən azı 700 radikal islamçı həbs olunub. 2015-ci ildə Tunisdə 38 nəfərin ölümü ilə nəticələnən terror aktından sonra İspaniyada terror təhlükəsi ən yüksək səviyyədən bir pillə aşağı göstərilərək 4-cü səviyyəyə qədər yüksəlib. MKİ tərəfindən 2 ay əvvəl isə İspaniyaya terror təhlükəsi ilə bağlı xəbərdarlıq edilib.
 Qeyd edək ki, Barselonada baş verən terror aktı nəticəsində 13 nəfər ölüb, 119 nəfər yaralanıb.(Axar.az)

Xəbərdən istifadə edərkən istinad etmək vacibdir.