İranın ev dustaqlığında saxlanılan müxalif lideri Mehdi Kərrubi aclıq aksiyasını dayandırıb.
Bu barədə informasiyanı BBC televiziyası yayıb. Kərrubinin belə addım atmasına səbəb hökumətin onun evinin qarşısından polis nəzarətini ləğv etməsi olub.
 Qeyd edək ki, 2009-cu ildə İranda hakimiyyətə qarşı Yaşıl hərəkat başlayıb. Hərəkatın əsas liderlərindən biri Mir Hüseyn Müsəvi və Mehdi Kərrubi olub. Milyonlarla gənci öz ətrafında toplamağı bacaran hərəkatın qarşısı hökumət tərəfindən alınıb. Musəvi və Kərrubi sonradan həbs ediliblər. Hər iki siyasətçi ev dustaqlığı şəraitində yaşayırlar.(Axar.az)

Xəbərdən istifadə edərkən istinad etmək vacibdir.