AzVision.az erməni KİV-lərinə istinadən xəbər verir ki, Uorlik açıqlamasında Dağlıq Qarabağ münaqişəsinin həllinə dair bildirib ki, danışıqlar prosesində qondarma “Dağlıq Qarabağ Respublikası”nın rəhbərliyinin mövqeyinin eşidilməsi vacibdir.
“Qarabağ”ın Azərbaycan-Ermənistan danışılar prosesində iştirakının mümkündürmü sualına amerikalı həmsədr belə cavab verib: “Biz Dağlıq Qarabağda de-fakto hakimiyyətdə olan rəhbərliyin mövqeyinin eşidilməsinin vacib olduğunu düşünürük və biz onların da fikirlərini öyrənmək məqsədilə tez-tez ora səfər edir, onlarla görüşürük”.
Bu yaxınlarda Azərbaycan və Ermənistan sərhədində gərginliyə toxunan ATƏT-in Minsk qrupunun həmsədri hər iki ölkəni bu cür halların təkrarlanmasına yol verməməyə çağırıb:
“Dinc sakinlərin müharibə qurbanı olması olduqca böyük faciədir və buna son qoymaq üçün bütün mümkün vasitələrdən istifadə etmək lazımdır.
Xəbərdən istifadə edərkən istinad etmək vacibdir.
