Bu sözləri Xeberlent.az-a   Rusiya Liberal-Demokrat Partiyasının sədri Vladimir Jirinovskinin Azərbaycana səfərini dəyərləndirərkən sumqayıtlı politoloq Bəhruz Salmanov deyib.

Dünyada qızğın və müharibə həddinə çatası mübarizənin getdiyini bildirən B. Salmanov  qeyd edib ki, buna səbəb   Qərbin özünü doğrultmayan birqütblü  və  Rusiyanın ideoloji boşluğunu dolduran və surətlə dünyaya ixrac edilən çoxqütblü idarəçilik sisteminin toqquşmasıdır: “ Birqütblü sistemin nümayəndələri ölkələrə səfər etməklə öz mövqeyini möhkəmləndirdiyi kimi, çoxqütblü sistemin təşəbbüskarı olan Rusiyanın da nümayəndələri öz növbəsində eyni və kifayət qədər ciddi səfərlər edirlər. Beləliklə, Rusiya Putinin rəhbərliyi altında öz qüdrətini sübut edir. Buna Rusiyanın Qərbə tətbiq etdiyi səthi sanksiyaların, əsasən də, Avropaya yaşatdığı maddi və psixoloji zərəri misal göstərmək olar. RF sanksiya tətbiq etdiyi sahələrin daxildə yaratdığı boşluqları əsrlər boyu münasibətdə olduğu qonşu ölkələrin dəstəyi ilə doldurmaq istəyir.”

 Azərbaycanın öz təbii sərvətləri ilə hər tələbatı qarşılaya bilən qonşu dövlətlərdən olduğunu deyən politoloq, Rusiya nümayəndə heyətinin  Azərbaycana olan səfərinin məqsədinin öz qonşusu ilə bütün sahələrdə olan münasibətlərini maksimum dərəcədə gücləndirmək məqsədi daşıdığını vurğulayıb: “Qeyd etdiyimiz münasibətlərin möhkəmlənməsi üçün səfər edən şəxslərdən biri də Jirinovskidir. Jirinovski – Rusiya və dünya ictimaiyyətində emosional danışan bir siyasətçi kimi tanınır və dövlətin rəsmi müstəvidə deyə bilmədiyini çılpaq şəkildə diqqətə çatdırır.  Jirinovski kimi Rusiyada Azərbaycana və azərbaycanlılara qarşı aqressiv münasibət göstərən ikinci belə bir siyasi yoxdur. Lakin bu səfər zamanı Jirinovski mediaya Azərbaycan haqqında dediyi mənfi fikirləri yumşaq şəkildə, sətiraltı sözlərlə təkzib etdi, səhv olduğunu göstərdi. Bunun özü də artıq müsbət addımdır. Bu səfərdə məqsəd Moskva merinin qeyd etdiyi kimi kənd təsərrüfatı məhsullarının əldə olunması ilə əlaqədar danışıqların aparılmasıdır.”

Politoloq  siyasi danışıqların aparılmasının  da istisna olmadığını sözlərinə əlavə edib.

Xeberle.com