Ukrayna hökumətinin Mixail Saakaşvilini ölkəyə buraxmaması üçün heç bir qanuni əsası yox idi.
Xeberle.com xəbər verir ki, bunu jurnalistlərə açıqlamasında Avropa Parlamentinin Polşadan olan deputatı Yaçek Sariuş Volski söyləyib. Onun sözlərinə görə, artıq bu məsələ ilə bağlı Ukrayna səfiri Polşa Xarici İşlər Nazirliyinə çağırılıb. O, həmçinin bu məsələni tezliklə Avropa Parlamentində qaldıracağını bildirib.
Qeyd edək ki, dünən Saakaşvili öz tərəfdarlarının köməyi ilə Ukrayna-Polşa sərhədini keçərək Ukraynaya gəlib. Rəsmi Kiyev Saakaşvilinin addımını dövlətə xəyanət adlandırıb.

Xəbərdən istifadə edərkən istinad etmək vacibdir.