Ölkənin ən böyük və iqtidar partiyası olan Yeni Azərbaycan Partiyasının Sumqayıt şəhəri üzrə fəaliyyəti barədə kiçik bir araşdırma etdik.
Xeberle.com partiyanın yap.org.az ünvanlı rəsmi internet səhifəsinə istinadən xəbər verir ki, YAP-ın şəhər təşkilatı 1993-cü il fevral ayının 20-də təsis olunub. Sumqayıt təşkilatının üzvlərinin sayı 25 545 nəfər təşkil edir. Ərazi ilk partiya təşkilatlarının sayına gəldikdə isə bu rəqəm 319-dur.
Bununla yanaşı, şəhər təşkilatında 23 nəfərdən ibarət idarə heyəti və üzvlərinin sayı 87 nəfər olan şura fəaliyyət göstərir.
Məlumat üçün bildirək ki, YAP-ın Sumqayıt şəhər təşkilatının sədri Ramiz Hüseynov, Qadınlar şurasının sədri Nazilə Cəlilova, Gənclər təşkilatının sədri isə Elvin Məmmədzadədir.
Yeri gəlmişkən, qeyd edək ki, şəhərin 6-cı mikrorayonunda YAP-ın Sumqayıt şəhər təşkilatına yeni inzibati bina tikilir və yaxın vaxtlarda istifadəyə veriləcək.
Elnarə Salamova
Xeberle.com
Xəbərdən istifadə edərkən istinad etmək vacibdir.
