Türkiyənin Baş naziri Binəli Yıldırım İraq Kürd Muxtariyyətinin rəhbəri Məsud Bərzaninin referendum qərarını dondurma təklifinə münasibət bildirib.
Baş nazir bu barədə "Egey” iqtisadi forumunda çıxışı zamanı danışıb.
"Yaxın Şərqdəki hazırkı vəziyyət heç də ümidverici deyil. Şimali İraqda verilən yanlış qərarlar... Bir qədər əvvəl bu qərarı verən İraq Kürd Muxtariyyətinin rəhbəri Məsud Bərzani "referendum öncəsi şərtlərə qayıdırıq” deyib. Bəs, yaxşı, bu vəziyyətə gələcəkdinsə, niyə səhvində təkid edirdin? İllərdir sizi himayə edən, yaşayış ərazinizi formalaşdıran Türkiyənin sözünə niyə qulaq asmadın?” - Binəli Yıldırım bildirib.
Qeyd edək ki, Məsud Bərzani rəsmi Bağdada referendum qərarının dondurulmasını təklif edib.

Xəbərdən istifadə edərkən istinad etmək vacibdir.