İran Yəməndəki qiyamçı husilərə ballistik raket tədarük edir.
Bunu Britaniya Xarici İşlər naziri Boris Consonla telefon danışığı zamanı Səudiyyə Ərəbistanının vəliəhd şahzadəsi Məhəmməd bin Salman söyləyib. Onun sözlərinə görə, Ər-Riyad İranın bu addımına birbaşa hərbi təhdid kimi baxır:
"Biz bunu krallığa qarşı müharibə aktı kimi dəyərləndirə bilərik. İran bu tip tədarükləri dayandırmalıdır”.
Qeyd edək ki, bundan öncə İranın dəstəklədiyi husilər Ər-Riyad hava limanına ballistik raket zərbəsi endirməyə cəhd ediblər. Onların bu addımının qarşısı Səudiyyə Ərəbistanı ordusu tərəfindən alınıb.
Ötən gün Səudiyyə Ərəbistanının liderlik etdiyi koalisiya da yaydığı bəyanatda husilərin bu addımını İranın aqressiyası adlandırmış və cavab haqqını özündə saxladığını bildirmişdi.(Axar.az)

Xəbərdən istifadə edərkən istinad etmək vacibdir.