Avropa Birliyi ölkələri İran nüvə razılaşması məsələsində ABŞ-ın yanında olmalıdır.
Bunu Vudro Vilson Elmi Tədqiqat Mərkəzində çıxışı zamanı ABŞ Dövlət katibi Reks Tillerson söyləyib.
"ABŞ İranın təhdidlərinə qarşı mövqeyini dəyişməyəcək. AB-dəki ortaqlarımız bu məsələlərdə bizimlə birgə olmalıdır. Nə ABŞ, nə də AB İranın Şimali Koreya kimi atom bombasına sahib olmağını istəmir. Bizim heç birimiz İranın Fars körfəzində hegemonluq yaratmağını, İraq və Suriyada terrorçuları dəstəkləyərək güc qazanmağını istəmirik. Türkiyə də bu istiqamətdə İranla arasında məsafə saxlamalıdır. Türkiyənin coğrafi olaraq İranı görməzdən gələ bilməyəcəyini anlayırıq, amma Türkiyə bir NATO üzvü kimi ortaqlarına daha çox önəm verməlidir. İrandan uzaqlaşmaq lazımdır.
NATO müttəfiqi olan Türkiyədən həmçinin NATO-nun ortaq müdafiəsinə daha çox önəm verməsini istəyirik. İran və Rusiya türk xalqına Qərb ölkələri cameəsinə üzvlüyün verdiyi iqtisadi və siyasi faydaları verə bilməz” – deyə o bildirib.(Axar.az)

Xəbərdən istifadə edərkən istinad etmək vacibdir.