Rusiyanın qaz layihələri onun Avropanın enerji bazarındakı dominantlığını gücləndirəcək.
Bunu jurnalistlərə açıqlamasında ABŞ Dövlət Departamentinin rəsmi nümayəndəsi Hizer Noyert deyib.
"Hesab edirik ki, "Şimal axını-2” və "Türk axını” Rusiyanın Avropadakı dominantlığını gücləndirəcək. Bu, həm də Avropanın enerji müstəqilliyini azaldacaq. Bu layihələr Rusiyaya imkan verəcək ki, Avropaya Ukraynadan qaz tədarükünü azaltsın və Ukraynanın mövqeyini zəiflətsin”, – deyə o bildirib.
Qeyd edək ki, bundan öncə ABŞ Dövlət katibi Reks Tillerson Avropanın Rusiyadan enerji asılılığına son qoymaq üçün qitəyə sıxılmış qaz göndərəcəklərini bildirib.(axar.az)

Xəbərdən istifadə edərkən istinad etmək vacibdir.