Afrində şiddətli döyüşlərin davam etdiyi bir dövrdə bölgəyə Türkiyə Dəniz Qüvvələri komandanlığının ən elit dəstələri sayılan SAT, SAS və "Timsahlar” adlandırılan komandoslar göndərilib.
Bu barədə Türkiyə mətbuatı yazıb.
Cerablus və Əl-Babda xüsusi təcrübəyə malik olan SAT və SAS komandosları əsasən məskunlaşma ərazilərində təhlükəsizlik koridorlarının yaradılması və bölgənin minalardan təmizlənməsi sahəsində xüsusi təyinatlı dəstələrə yardım edib. Əməliyata cəlb olunan Türkiyənin dəniz piyadaları "Timsahlar”dan isə demək olar ki, "Zeytun budağı”nın bütün mərhələlərində istifadə edilib.
Qeyd edək ki, xüsusən Burseya dağında gedən şiddətli döyüşlərdə "Bordo bereli” adlandırılan Türkiyənin ən güclü hərbi birləşmələri də döyüşə girmişdi.(Axar.az)

 

 

Xəbərdən istifadə edərkən istinad etmək vacibdir.