Ermənilər apreldə Azərbaycanla Dördgünlük müharibə zamanı yaralanan hərbiçilərinin müalicəsi üçün pul dilənir.
Bu barədə erməni politoloq Suren Sərkisyan Ermənistan mətbuatına müsahibəsində "Aprel fəsadları”ndan danışarkən deyib.
Hakimiyyəti satqın adlandıran politoloq 2016-cı il aprel döyüşləri zamanı ölən, yaralanaraq əlil olan erməni hərbi qulluqçularının və onların ailə üzvlərinin sosial-məişət şəratindən söz açıb:
"Bu gün hamı şəhid olanlardan danışır. Apreldə ölənlərin foto və videoları ilə şou yaradan dövlət rəsmiləri onların ailələri və yaralıların problemləri ilə maraqlanmır. Dövlət, ümumiyyətlə, bu şəxsləri unudub. Müalicələri üçün pul tapa bilməyən əlillərin ailələri qapı-qapı düşüb pul dilənirlər”.
S.Sərkisyan müsahibəsində aprel döyüşləri zamanı yaralanmış David Tadevosyanın timsalında təəssüratlarını bölüşüb:
"Aprel döyüşlərində yaralanan şəxslər evlərinə döndükdən sonra bəziləri ailələrinə zərər verdikləri üçün psixoloji mərkəzlərə yerləşdirilib, bəziləri həbsxanalara düşüb, bəziləri isə küçələrdə sərsəm gəzməklə gülüş obyektinə çevrilib. Dövlət onlara bu gün də baxmır. Şəhid və yaralıların alilələri Müdafiə Nazirliyinə və ölkə rəhbərliyinə müraciətlər etsə də, onların problemləri ilə maraqlanan yoxdur. Belə getsə, bu diqqət və qayğısızlığa görə Ermənistan əsgərsiz qalacaq”.
Politoloq həmçinin David Tadevosyanın anası ilə də danışdığını bildirib:
"David uzun müddət komada qaldıqdan sonra onun yaddaşı qismən özünə qayıdıb, lakin reabilitasiya və dərmanları üçün pul lazım olduğundan evlərini satıblar. Dövlət bu ailəyə 104 dollar maddi yardımdan başqa heç nə etməyib”.
Ermənistan iqtidarını gənclərin qanı hesabına hakimiyyətdə qalmaqda ittiham erməni politoloqun müsahibəsini təqdim edirik:

Xəbərdən istifadə edərkən istinad etmək vacibdir.