11 aprel Azərbaycan Respublikası Prezidenti seçkiləri artıq arxada qaldı.
Xeberle.com prezident seçkilərində Sumqayıtda mövcud olan seçki dairələrində secicilərin fəallığını araşdırıb.
Mərkəzi Seçki Komissiyasının rəsmi internet səhifəsində yer alan məlumatlara görə,  41 saylı Sumqayıt birinci seçki dairəsində 34 məntəqə və 43395 seçici var ki, onlardan da 32289 nəfəri, yəni 74,41 faizi öz seçki hüququndan istifadə edib.
42 saylı Sumqayıt ikinci seçkçi dairəsində isə 38 məntəqə olmaqla 42832 seçici var. Bu seçicilərdən 31772 nəfəri, yəni 74,18 faizi səsvermədə iştirak edib.
43 saylı Sumqayıt üçüncü seçki dairəsinə gəldikdə isə bu dairədə 34 seçki məntəqəsi formalaşdırılıb və burada 43883 seçici var.  Onlardan isə 32665 nəfəri, yəni 74,21 faizi öz seçimini edib.
44 saylı Sumqayıt-Xızı seçki dairəsində də qeydə alınan nəticələr digər dairələrdən elə də fərqlənmir. Belə ki, 49 məntəqəsi olan dairənin 45195 seçicisindən 33742 nəfəri sandıqbaşına keçib və öz namizədinə səs verib.
Ümumilikdə sözügedən 4 dairə olmaqla  155 məntəqədə 175305 seçici var.
Qeyd olunan nəticələri analiz etdikdə isə ümumilikdə Sumqayıtda və Xızının bəzi hissələrini əhatə edən ərazilərdə seçkidə 141528 seçici öz hüququndan istifadə edib ki, bu da 74,3 faiz təşkil edir.
Xeberle.com
 

Xəbərdən istifadə edərkən istinad etmək vacibdir.