"ABŞ ilə İsrail bir tərəfdən, İran isə bir təfədən çox sərt şəkildə öz mövqelərindən geri çəkilmirlər. Bu da gərginliyin artan xətt ilə gedəcəyini deməyə əsas verir”.

Bu sözləri Xeberle.com-a İran-İsrail münasibətləri ilə bağlı açıqlamasında politoloq Eldar Namazov bildirib. Onun sözlərinə görə, artan gərginliyin qarşısını ala biləcək bir qüvvə hələ ki, yoxdur:

 

 

"Son dövrlərdə İran ətrafında çox ciddi geopolitik gərginlik hökm sürür. Artıq bir neçə aydır ki, həm İsrail nümayəndələri, həm də Amerika Birləşmiş Ştatları (ABŞ) ekspertləri İranla müharibənin anonslarını verirdilər. Bu yaxınlarda Donald Trampın qərarı ilə ABŞ İran ilə nüvə sazişinə son qoydu və həmin sazişdən çıxış funksiyaları tətbiq edir. Bu isə gərginliyi daha da artıracaq. Eyni zamanda Suriyada artıq konkret hərbi əməliyyatlar həyata keçirilir. Bu gərginlik artan xətt ilə gedir və onun qarşısını ala biləcək bir qüvvəni biz görmürük. Toqquşmalar hələ ki, sadəcə olaraq Suriyanın ərazisində baş verir. Söhbət ondan gedir ki, nə vaxtsa bu toqquşmalar artıq İranın ərazisində baş verə bilər”.